MLA Mallareddy Family | ‘పాలమ్మిన.. పూలమ్మిన.. బోర్‌వెల్ నడిపిచ్చిన.. కష్టపడ్డ.. కాలేజీలు పెట్టిన.. సక్సెస్ అయిన..’ ఈ డైలాగ్ ఎవరిదో ఇప్పటికే మీకు గుర్తుకొచ్చుంటుంది. ఆయనే మేడ్చల్ ఎమ్మెల్యే చామకూర మల్లారెడ్డి. టీడీపీ నుంచి రాజకీయ అరంగేట్రం చేసిన ఈయన బీఆర్ఎస్‌ (BRS) లో మాస్‌ లీడర్‌గా గుర్తింపు పొందారు. గతంలో కేసీఆర్‌ కేబినేట్‌లో కార్మికశాఖ మంత్రిగానూ పనిచేశారు. గులాబీ బాస్‌కు విధేయుడిగా పేరున్న ఈయన ప్రస్తుతం కుటుంబంతో సహా పార్టీ మారేందుకు సిద్ధమవుతున్నారా.. అంటే తాజా పరిస్థితులు అవుననే సమాధానం చెబుతున్నాయి.
కమలం పార్టీ టచ్‌లోకి మల్లన్న కుటుంబం..
తన విద్యా సంస్థలకు సంబంధించిన అంశంపై మల్లారెడ్డి ఇటీవల కుటుంబంతో కలిసి ఢిల్లీలో ప్రధానమంత్రి నరేంద్ర మోడీని కలవడం ప్రాధాన్యత సంతరించుకుంది. అంతేకాకుండా ఆయన కోడలు ప్రీతిరెడ్డి తాజాగా రాష్ట్ర బీజేపీ (BJP) రాష్ట్ర కార్యాలయాన్ని సందర్శించి పార్టీ కీలక నేతలతో సమావేశం కావడం ఊహాగానాలకు తెరతీసింది. ‘కమలం’ పార్టీ తెలంగాణ చీఫ్‌ రామచంద్రరావుతోనూ ఆమె రెండు రోజుల క్రితం బేటీ కావడం మరింత బలం చేకూర్చినట్లయింది. కాగా, డిజిటల్‌ ఇండియా కోసమే అన్ని పార్టీల నేతలను కలుస్తున్నట్లుగా ఆమె వివరించారు. తాను బీజేపీలో చేరడం లేదని, ప్రస్తుతానికి తనకు రాజకీయాల్లోకి వచ్చే ఆసక్తి లేదని ఆమె స్పష్టం చేయడం గమనార్హం.
కొట్టి పారేస్తున్న మ‌ల్లారెడ్డి
బీజేపీలో చేరికకు సంబంధించి మల్లారెడ్డి కొట్టిపారేస్తున్నప్పటికీ వరుసగా ఆయన కుటుంబ సభ్యులు కషాయ పార్టీ నేతలతో సమావేశమవుతుండడం ఆసక్తికరంగా మారింది. మల్కాజ్‌గిరి ఎంపీ స్థానంతో పాటు మరో నాలుగు అసెంబ్లీ స్థానాలను ప్రతిపాదించగా బీజేపీ అధిష్టానం కూడా సూచనప్రాయంగా అంగీకరించినట్లు పొలిటికల్‌ సర్కిల్‌లో టాక్‌ వినిపిస్తోంది.
ఈటలకు చెక్‌ పెట్టేందుకేనా..?
ప్రస్తుతం మల్కాజ్‌గిరి నుంచి బీజేపీ ఎంపీగా ఈటల రాజేందర్‌ ప్రాతినిధ్యం వహిస్తుండగా.. పార్టీలోని ఓవర్గం ఆయనకు చెక్‌ పెట్టేందుకే ఈ స్థానం మల్లారెడ్డి కుటుంబానికి హామీ ఇస్తున్నట్లుగా ప్రచారం సాగుతోంది. అయితే పార్టీ నాయకత్వం మాత్రం దీనిని ధ్రువీకరించడం లేదు.

ఇది కూడా చ‌ద‌వండి .. జనాభా లెక్కలో.. మన పేరు సొంతంగా నమోదు చేసుకోవచ్చండోయ్..

పార్టీ పేరు ప్ర‌క‌టించిన క‌విత‌
trs kavitha party | జై తెలంగాణ అంటూ జాగృతి అధ్యక్షురాలు కల్వకుంట్ల కవిత త‌న పార్టీ పేరును శ‌నివారం ప్ర‌క‌టించారు. మునీరాబాద్‌లోని అద్వయ కన్వేషన్ వ‌ద్ద ప్రొఫెసర్ జయశంకర్ వేదిక‌గా ఉద‌యం 10గంట‌ల 12 నిమిషాల‌కు తెలంగాణ రాష్ట్ర సేన (TRS)గా ప్ర‌క‌టించారు. పిడికిలెత్తి పేరును అనౌన్స్ చేశారు. సామాజిక తెలంగాణ లక్ష్యంగా త‌మ పార్టీ ప‌ని చేస్తుంద‌ని వెల్ల‌డించారు. అంత‌క‌ముందు గ‌న్ పార్క్ వ‌ద్ద అమ‌ర‌వీరుల‌కు ఆమె నివాళుల‌ర్పించారు. ముందుగా భారీ ర్యాలీగా ప్రొఫెసర్ జయశంకర్ సభ ప్రాంగణానికి చేరుకోగా బోనాలు, బ‌తుక‌మ్మ‌ల‌తో కార్య‌క‌ర్త‌లు ఘ‌న స్వాగ‌తం ప‌లికారు.

క‌విత స్పీచ్‌.. పాంచ‌జ‌న్యం అజెండాతో..

• మన పార్టీ పేరు తెలంగాణ రాష్ట్ర సేన
• తెలంగాణ ప్రజలు, మేధావులు, బుద్ది జీవులు, తెలంగాణ అభివృద్ధి కోరుకునే వారికి హృదయపూర్వక ధన్యవాదాలు
• నా జీవితంలో ఇదొక మరుపురాని రోజు
• మనందరం కలుసుకొని పనిచేసే విధంగా ఆ దైవం చేసిందని నమ్ముతున్నా..
• తెలంగాణ ఉద్యమకారులు, అమరవీరుల కుటుంబాలకు, అనేక రకాల కష్టాలు పడిన, రాష్ట్ర వస్తే చాలని భావించిన వాళ్లకు నమస్కారం..
• సింగరేణి కార్మికులంటే ఇష్టం, అంతకన్నా ఆడబిడ్డలంటే ఇంకా ఇష్టం..
• జెన్ జీ వారసులు, యూత్ కు పేరు పేరున నమస్కారం
• ఏం జరుగుతుందని ఇవ్వాళ రాష్ట్రంలో చాలా మంది ఎదురుచూస్తున్నారు
• 20 ఏళ్లుగా నేను, తెలంగాణ జాగృతి పోషించిన పాత్ర మీకు తెలుసు
• ఆడబిడ్డలందరినీ తెలంగాణ ఉద్యమంలో పాల్గొనేలా ఊరురా బతుకమ్మ కార్యక్రమం ద్వారా చేశాం
• జాగృతి ఆడబిడ్డల చేతిలో కాగడ అయ్యింది
• మన సంస్కృతి గురించి చెప్పుకోవటానికి బతుకమ్మ వచ్చాక బలం వచ్చింది
• ఇది మా సంస్కృతిని అని బతుకమ్మ పాట ద్వారా పున పరిచయం చేసకున్నాం.
• తెలంగాణ ఉద్యమానికి బలమైన పునాది వేసింది మా జాగృతి ఆడబిడ్డలు
• కష్టపడి తెలంగాణ తెచ్చుకున్నాం. కానీ మనం కలలు కన్నా తెలంగాణ రాలేదు
• మన కలలు ఇప్పటికీ కూడా నిజం కాలేదు
• కేసీఆర్ గారి ఆధ్వర్యంలో తెలంగాణ ఉద్యమ రథం దారి తప్పింది.
• సామాజిక రథ చక్రం విరిగి ముక్కలైంది
• ఏ తరహాలో పనిచేయాలో అలా జరగలేదని చెప్పటానికి బాధగా ఉంది
• ఇసుక దందా మీద ప్రేమతో దళితుల చావులు అయ్యాయి
• ఫోన్ మాట్లాడాలంటే భయం. దారుణమైన నిఘా నీడలో మనం బతికాం
• మనం అనుకున్న తెలంగాణ రాలేదని మీకు చెబుతున్నా
• ఆనాడు పరిపాలించిన కుటుంబంలో భాగమైనందుకు సిగ్గుపడుతున్నా
• తెలంగాణ సాధించటంలో భాగమైనందుకు నా జన్మ ధన్యమైంది
• నా తప్పులకు భాగస్వామ్యం ఉందన్న దానికి కేవలం క్షమాపణ చెబితే సరిపోదు
• ఆ తప్పులను దిద్దుకోవటానికి కష్టపడి పనిచేయాలి
• అందుకోసమే మేము తెలంగాణ రాష్ట్ర సేన గా వస్తున్నాం
• పోరాటాలకు రాజకీయ శక్తి, అధికారం ఉంటే ఇంకా బాగా పనిచేయవచ్చు
• అందుకోసమే ఈ పార్టీ మీ ముందుకు వచ్చింది
• రాజకీయ పార్టీకి రాజకీయ ఆత్మ ఉండాలి. అజెండా ఉండాలి
• బీఆర్ఎస్ అనే పార్టీ తెలంగాణ ఆత్మ కోల్పోయింది. అందుకే తెలంగాణ రాష్ట్ర సేన వచ్చింది
• తెలంగాణలోని మూడు కోట్ల మందికి ఒక అమ్మలాగా పరిణితి చెందాలని అనుకుంటున్నా
• అమ్మతనంతో, ఆర్ధితో పాలన జరిగినప్పుడే కష్టాలు తీరుతాయి.
• రైతాంగ పోరాటం, ముల్కీ ఉద్యమం, తెలంగాణ ఉద్యమం ఇలా సాగుతూనే ఉంది.
• చాకలి ఐలమ్మ, గద్దరన్న, మారోజు వీరన్న సహా అనేక మంది పోరాటం చేస్తేనే ఇలా మార్పులు వచ్చాయి
• అమర వీరులు, కేసీఆర్ గారు అనేక మంది కొట్లాడితేనే తెలంగాణ వచ్చింది
• సమ్మక్క సారక్క నాటి నుంచే సామాజిక పోరాటం జరిగింది
• కొండ లక్ష్మణ్ బాపూజీ, పాపన్న గౌడ్, పంతు నాయక్ గారు, జనార్ధన్ రావు గారి స్ఫూర్తిని తీసుకుంటాం
• రాజ్యాంగ బద్దంగా రాజకీయ శక్తితో ప్రజాపోరాటాలు మిళితం చేసి సామాజిక న్యాయ తెలంగాణను సాధిస్తాం
• తెలంగాణ రాష్ట్ర సేన మీ ముందుకు ఊరికే రాలేదు
• బీజేపీ కి తెలంగాణ రావటమే ఇష్టం లేదు
• తల్లిని చంపి బిడ్డను తీశారని బీజేపీ పెద్దలు అంటారు
• మెడకాయ మీద తలకాయ లేని ఒక ఎంపీ తెలంగాణను భారత్ పాక్ విభజనతో పోల్చుతారు
• అగ్రనాయకత్వం అలా మాట్లాడితే బీజేపీ బానిస ఎంపీలు ఒక్క మాట్లాడరు
• మనకు ఒక్క రూపాయి ఇవ్వకపోయిన సరే మన బీజేపీ ఎంపీలు మాట్లాడరు
• సామాజిక న్యాయం అనే దానికే బద్ద వ్యతిరేకి బీజేపీ
• మహిళ బిల్లు పక్కన పెట్టారు. బీసీ బిల్లు, కులగణన బిల్లు తొక్కి పెట్టారు
• పేదలకు కూడు పెట్టే ఉపాధి హామీని పక్కన పెట్టారు
• ఫెడరల్ స్ఫూర్తిని పక్కన పెట్టి మన ఏడు మండలాలు తీసుకున్నారు
• అయిన సరే ఈ బీజేపీ బానిస ఎంపీలు పెదవులు తెరవరు
• ఈ బీజేపీ బానిస ఎంపీలకు నేను సవాల్ చేస్తున్నా
• మీరు తెలంగాణ బిడ్డలైతే భద్రాచలం వద్ద ఐదు గ్రామాలను తెలంగాణకు పట్టుకురండి
• పోలవరం పూర్తయితే ఆ గ్రామాలు మునిగిపోతాయి
• దానిపై జాగృతి తరఫున మేము మాట్లాడాం. ఆంధ్రా వారికి, కేంద్రానికి లేఖ రాశాం
• మీకు సిగ్గు ఉంటే రాముని గుడి మునిగిపోకుండా ఐదు గ్రామాలు తెలంగాణకు తేవాలి
• బీఆర్ఎస్ పార్టీ నుంచి తొట్ట తొలి ముఖ్యమంత్రి అయ్యారు. మంచి సాలు తీయాల్సింది
• నీళ్లు, నిధులు, నియామాకాలు అనే నినాదంతో తెచ్చుకున్నాం
• పదేళ్లలో నీళ్ల కోసం బీఆర్ఎస్ లక్షా 89 వేల కోట్లు ఖర్చు చేసింది
• కానీ 14 లక్షల ఎకరాలకు మాత్రమే నీళ్లు ఇచ్చింది
• పాలమూరు, కాళేశ్వరం కోసమే లక్షా 21 వేల కోట్లు ఖర్చు చేసింది
• ఈ విషయాన్ని నేను బాధతో చెబుతున్నా
• ఆనాటి కేసీఆర్ వేరు, ఈనాటి కేసీఆర్ వేరు
• ఆనాడు చేనేత కార్మికులు చనిపోతే బిక్షమెత్తి సాయం చేసిన వ్యక్తి కేసీఆర్
• ఈనాటి కేసీఆర్ మరమనిషి, మారిన మనిషి
• వెలుగుమట్లలో, హైడ్రాలో ఇళ్లు కూలితే వచ్చారా, అయ్యా కేసీఆర్ రావాలి అంటే కూడా రాలేదు
• చేవెళ్ల దగ్గర కష్టమొస్తే వచ్చారా?
• ఆయన మారిన మనిషి, మర మనిషి. మన మనిషి కాదు
• గుంటనక్కలు, తోడేళ్లలో ఖైదీ అయిన మర మనిషి
• దుఖంతో చెబుతున్న మాటలు ఇవి. సంతోషంతో కాదు
• ఆర్డీఎస్ కోసం పాదయాత్ర చేశారు. కానీ పాలమూరు కోసం ఏం చేయలేదు
• ఆనాటి కేసీఆర్ అయితే అక్కడే కుర్చీ వేసుకొని దాన్ని పూర్తి చేసేవారు
• కానీ మారిన కేసీఆర్ మాత్రం పంజాబ్, గుజరాత్, బీహర్ కు పోయారు
• రాష్ట్రంలో మొత్తం పీకి కట్టలు కట్టామని, నేషనల్ పార్టీ అంటూ పోయారు
• కానీ తెలంగాణ ప్రజలను పట్టించుకోలేదు. పట్టించుకోని ఉంటే పాలమూరు రంగారెడ్డి పారకపోయేదా?
• నేను ఎన్ని మాట్లాడిన బీఆర్ఎస్ నాయకులు సమాధానం చెబుతలేరు
• దీనికి సమాధానం చెప్పకపోతే ప్రజలే మిమ్మల్ని బయటకు లాగి సమాధానం చెప్పేలా చేస్తుంది
• సింగరేణి గనిలో కార్మికుడు చనిపోతే చూసి వచ్చిన వ్యక్తి
• తెలంగాణ వచ్చాక ఏమైంది ఆ ప్రేమ? అధికారం ముందు మమకారం తగ్గిపోయిందా?
• నాకు తండ్రి కావచ్చు అది వేరే విషయం
• కేసీఆర్ గారు రాజకీయ పరిణితి కోల్పోయి మాట్లాడుతున్నారు
• కేటీఆర్ గారు అంటే ఆయనకు పెద్దగా తెలియదు
• ప్రజలు తప్పు చేశారని కేసీఆర్ గారు అంటున్నారు
• నా పిల్లలు తప్పు చేస్తే నేను వదిలివేస్తానా?
• ఒక కర్కోటక పాలకుడి పాలన నడుస్తోంది
• అర్థరాత్రి ఇండ్లు కూలగొడుతుంటే ఆదుకోవాల్సిన మన పాత కేసీఆర్ ఎక్కడ ఉన్నాడు
• నన్ను పార్టీ నుంచి బయటకు పంపిస్తే వెంటనే పార్టీ పెట్టలేదు
• మారుతారేమోనని చాలా రోజులు వేచి చూశా
• ఆనాడు ఉద్యమకారులకు జరిగింది. ఇప్పుడు నాకు జరిగింది
• కేసీఆర్ కోసం ఇళ్లు, భూములు అమ్ముకున్న వాళ్లు ఇప్పుడు ఎక్కడ ఉన్నారు
• తెలంగాణ ఉద్యమంలో మనల్ని లాఠీలతో కొడితే తల్లి కోడిలా కాపాడుకోవాల్సిన కేసీఆర్ ఎక్కడ పోయిండు
• పదేళ్లలో 2 ఏండ్లకు ఒకసారి నామినేషన్ పదవులు ఇచ్చిన సరే 30 వేల పదవులు వస్తుండే
• ఆనాడు అవహేళన చేసిన వారే అధికారంలో వచ్చిన తర్వాత మళ్లీ అవహేళన చేశారు
• ఎప్పుడైతే అధికారం వచ్చిందో అప్పుడే అమ్మతనం, మమకారం పోయింది
• అందుకే అంటున్న ఆయన మన కేసీఆర్ కాదు మారిన మర మనిషి కేసీఆర్
• అందుకే నేను ఈ పార్టీ పెట్టి వస్తున్నా. ఈ గడ్డకు ఏమీ జరిగిన ప్రాణం అడ్డుపెట్టి పనిచేసే వాళ్లు కావాలి
• అలా మనం ముందుకు పోదామా?
• అవినీతి జరిగిందని అని చెప్పిన నన్ను సస్పెండ్ చేసి అవినీతి చేసిన పందికొక్కులను పక్కన పెట్టుకున్నారు
• ఆత్మ లేని మరబొమ్మ కేసీఆర్. ఇవ్వాళ మన కేసీఆర్ కాదు
• అందుకే ఎదురుగా నిలబడి కొట్లాడుతున్న నాతో పాటు వస్తారా?
• ఇప్పుడు ఇళ్లు మాత్రమే అలికం. ముందున్నది ముసళ్ల పండగ
• ఇవ్వాళ రాష్ట్రంలో ఒక కర్కోటకుడి పాలన నడుస్తోంది
• వెలుగుమట్లలో అన్ని పర్మిషన్లు ఉన్నప్పటికీ ఇళ్లను కూలగొడితే బాధతో ఒక గర్భిణీ కి అబార్షన్ అయ్యింది
• ఆ గర్భిణీ తండ్రి రోదన ఇంకా కళ్ల ముందు మెదులుతోంది. అందుకే కర్కోటకుడు, నియంత అంటా.
• రెండు నెలల చిన్నారి చనిపోతే ఇప్పటికీ కూడా కేసు పెటట్టం లేదు
• గురుకులాల్లో విషం పెట్టి పిల్లలను చంపితే ఈ ముఖ్యమంత్రి పట్టించుకోవటం లేదు
• కర్ల రాజేష్ అనే యువకుడిని లాకప్ డెత్ చేస్తే ఇప్పటికీ కేసు పెట్టలేదు
• కాంగ్రెస్ మీద కచ్చితంగా మనమే పోరాటం చేస్తాం
• ఇప్పుడు మనమే ప్రధాన ప్రతిపక్షం. రెండేళ్ల తర్వాత అధికారంలోకి వస్తాం
• ఇప్పుడున్న మూడు పార్టీలు కుటుంబ పాలన, అవినీతి, బంధుప్రీతి తో నిండిపోయాయి
• మనం ఐదు అంశాలపై పోరాటం చేద్దాం. పాంచజన్యం మాదిరిగా మనం ముందుకు పోవాలి
• మొదటిది విద్య. ఆ రోజు కేసీఆర్ గారు ప్రభుత్వ పాఠశాలలను మూసేశారు
• ప్రభుత్వ స్కూల్ లో కనీస సదుపాయాలు లేవు
• గుడిని ఎంత పవిత్రంగా చూస్తామో…బడిని అంతే పవిత్రంగా చూడాలి
• ప్రతి ఊరిలో బడి ఉండాలే, తరగతికి ఒక ఉపాధ్యాయుడు ఉండాలి
• మన ప్రభుత్వం వస్తుంది. నేను మీ అమ్మను. నేను జేబు చూడాను. కడుపు చూస్తాను.
• ప్రైవేట్ పాఠశాలలో చదివినా సరే ఒక్క రూపాయి భారం పడకుండా ఉచిత విద్య బాధ్యత తీసుకుంటాం
• ప్రాథమిక విద్య నుంచి పీహెచ్డీ వరకైనా సరే ఉచిత విద్య ఇస్తాం
• గతంలో రక్తం అమ్ముకునేవాళ్లు ఇప్పుడు గిగ్ వర్కర్లుగా విద్యార్థులు పనిచేస్తున్నారు
• ఎంత వరకు చదువుకున్న సరే వారికి రూపాయి కూడా భారం కానివ్వం
• ఎంత పెద్ద రోగం అయినా సరే రూపాయి కూడా భారం కానివ్వం
• ఉచిత విద్య, ఉచిత వైద్యం అందిస్తే తెలంగాణ బిడ్డలే డబ్బులు సంపాదించి ప్రభుత్వానికి ఇస్తారు
• మూడోది రైతు. రైతులకు అరసు పాట పాడినట్లు అంత ఇస్తాం, ఇంత ఇస్తామంటారు
• నేను రైతును అని గర్వంగా చెప్పుకునేలా చేస్తాం
• ఏ ప్రభుత్వ ఆఫీస్ కు వెళ్లిన సరే రైతును గౌరవించేలా చేస్తాం
• 24 గంటల విద్యుత్, యూరియ ఇలా అన్ని విషయాల్లో వారికి న్యాయం చేస్తాం
• రైతునే రాజు చేసే విధంగా మేము చేస్తాం
• ఇక నాలుగో అంశం ఉపాధి. అన్ని ప్రభుత్వాలు ఉపాధి కల్పిస్తామని చెబుతుంటారు
• ఉపాధి అంటే కేవలం ఉద్యోగం కాదు.
• మీరు ఒక ఆలోచన తో వస్తే 2 లక్షల నుంచి 20 కోట్ల వరకు మీ అమ్మ ప్రభుత్వం ఆర్థిక సాయం చేస్తుంది
• నా యూత్ ను నేను నమ్ముతున్నా. డైరెక్ట్ గా వారికి మేము రుణాలు ఇస్తాం
• ఉద్యోగం చేయాలనుకునే వారికి ఒక గుడ్ న్యూస్
• మేము అధికారంలోకి వస్తే మొదటి సంవత్సరంలోనే ఒక నోటిఫికేషన్ ద్వారా 4 లక్షల ఉద్యోగాలు ఇస్తాం
• మన ఉద్యమకారులు వారి వయసు, రక్తాన్ని ఉద్యమం కోసం ధారబోశారు
• వారికి జూన్ 2, 2014 ను కటాఫ్ తేదీగా పెట్టుకొని లక్ష సూపర్ న్యూమరరీ జాబ్స్ ను క్రియేట్ చేస్తాం

• పసుపు, నీలం, ఆకుపచ్చ రంగుల్లో తెలంగాణ రాష్ట్ర సేన జెండా
• జెండా మధ్యలో నీలిరంగులో తెలంగాణ మ్యాప్.. దాని మధ్యలో ఇంగ్లీష్ అక్షరాల్లో TRS పేరు
• కింద ఆకుపచ్చ రంగు పట్టి దాని మధ్యలో తెలుగు లో తెలంగాణ రాష్ట్ర సేన పేరు

kavitha party | టిక్‌..టిక్‌..టిక్‌.. రోజులు గ‌డిచాయి. గంట‌లే మిగిలాయి.. స‌ర్వోద‌యానికి వేళ‌యింది. పిడికిలెత్తే స‌మ‌యం ఆస‌న్న‌మైంది. ఉద్యమ వీరుల మది నిండుగా.. సబ్బండ వర్గాలకు అండగా నిలిచే ఆ జెండా ఇక నింగినంట‌నుంది. ప్ర‌జా గొంతుక ఇక జ‌న జాగృతిగా ర‌ణం చేయ‌నుంది. జై తెలంగాణ అని నిన‌దించ‌నుంది. (క)ష్టాల‌కు (వి)ల‌పించ‌క‌ (త)రిమేసే కొత్త పార్టీగా శ‌నివారం పురుడుపోసుకోనుంది. మ‌హిళా రాజ‌కీయ శ‌క్తిగా ఆవిర్భ‌వించ‌నుంది. 

రేపే క‌విత కొత్త పార్టీ..
తెలంగాణ జాగృతి అధ్య‌క్షురాలు క‌విత(kavitha) కొత్త పార్టీకి రేపే నామ‌క‌రణం. గ‌న్‌పార్క్ వ‌ద్ద అమ‌ర‌వీరులకు సంస్మర‌ణ అనంత‌రంమునీరాబాద్ వేదిక‌గా నూత‌న పార్టీ ఆవిర్భవించ‌నుంది. ఆ వెంట‌నే జెండా, ఎజెండా విడుద‌ల కానుంది. జాగృతి సైన్యం క‌వాతు న‌డుమ క‌విత త‌న రాజ‌కీయ భ‌విష్య‌త్ ముఖ చిత్రాన్ని ఆవిష్క‌రిస్తారు. మూడున్న‌ర కోట్ల ప్ర‌జ‌ల ఆకాంక్ష‌ను ప్ర‌తిబింబిస్తారు.

జాగృతి నుంచి పార్టీ దాకా ప్రస్థానం..
మలిదశ ఉద్యమ సమయంలో 2006లో అమెరికన్ నుంచి తిరిగి వచ్చిన కవిత అదే ఏడాది తెలంగాణ జాగృతిని ఏర్పాటు చేశారు. బతుకమ్మతో ఊరురా తిరిగి ఉద్యమంలో కీలక పాత్ర పోషించారు. రాష్ట్రం ఆవిర్భవించాక 2014లో నిజామాబాద్ నుంచి ఎంపీగా గెలిచారు. 2019లో మాత్రం ఓటమి చవిచూశారు. 2020లో నిజామాబాద్ స్థానిక సంస్థల ఎన్నికల ద్వారా ఎమ్మెల్సీగా ఎన్నికయ్యారు. 2022 లోనూ అక్కడి నుంచే మరోసారి ప్రాతినిధ్యం వహించారు. 2024లో కవిత లిక్కర్ కేసులో కేంద్ర దర్యాప్తు సంస్థలు అరెస్టు చేశాయి. దాదాపు 5 నెలల పాటు కవిత జైలు జీవితం గడిపారు. 2024 ఆగస్టు 27న బెయిల్ పై విడుదలయ్యారు. 2025 మే లో కేసీఆర్ కు ఆమె రాసిన లేఖ లీక్ కావడం తెలంగాణ రాజకీయాల్లో హాట్ టాపిక్ గా మారింది. ఈ క్రమంలో ఆమె అమెరికా నుంచి తిరిగి వచ్చాక ” కేసీఆర్ దేవుడే.. ఆయన చుట్టూ దెయ్యాలు ఉన్నాయి..” అంటూ చేసిన హాట్ కామెంట్స్ పార్టీలో తీవ్ర కలకలం రేపాయి. అప్పటినుంచి కవితకు పార్టీకి మధ్య గ్యాప్ పెరిగింది. 2025 మే 31న తెలంగాణ జాగృతి కొత్త కార్యాలయం ప్రారంభించారు. కాళేశ్వరం కమిషన్ కేసీఆర్ కు ఇచ్చిన నోటీసులపై ఆమె ధర్నా చేపట్టారు. సెప్టెంబర్ 1న హరీష్ రావు, సంతోష్ రావు లక్ష్యంగా తీవ్ర ఆరోపణలు చేశారు. ఈ క్రమంలో ఆమెను మరుసటి రోజు పార్టీ నుంచి సస్పెండ్ చేస్తూ అధిష్టానం నిర్ణయం తీసుకుంది. వెంటనే పార్టీ సభ్యత్వంతో పాటు ఎమ్మెల్సీ పదవికి రాజీనామా చేసిన ఆమె జాగృతి ద్వారా జనం బాట పట్టారు. ప్రజా సమస్యలపై ఫోకస్ పెంచారు. ఈనెల 25న కొత్త పార్టీ ఏర్పాటు చేయనున్నట్లు ప్రకటించారు. ఈ నేపథ్యంలో ఆమె రాజ‌కీయ సెకండ్ ఇన్నింగ్స్ రేపు షురూ కానుంది.

ఇది కూడా చ‌ద‌వండి : ఆమె అడుగులు.. వ్యూహాత్మ‌కం!