- బీసీ స్టడీ సర్కిల్లో లైఫ్ స్కిల్స్, ఏఐ శిక్షణ ప్రారంభం
- నాలుగు రోజుల పాటు నిపుణులతో ప్రత్యేక తరగతులు
- స్టడీ సర్కిల్ డైరెక్టర్ డాక్టర్ ఎం.రవి కుమార్
Ai Skills | విద్యార్థులు,యువతలో ఆధునిక సాంకేతిక పరిజ్ఞానంపై అవగాహన పెంపొందించేందుకు లైఫ్ స్కిల్స్, ఏఐ శిక్షణా తరగతులు ఎంతగానో దోహదపడతాయని కరీంనగర్ బీసీ స్టడీ సర్కిల్ డైరెక్టర్ఎం.రవి కుమార్ తెలిపారు.కరీంనగర్ పట్టణంలోని బీసీ స్టడీ సర్కిల్ లో లైఫ్ స్కిల్స్ (LIfe skills), ఆర్టిఫిషియల్ ఇంటెలిజెన్స్ (AI) శిక్షణ కార్యక్రమాన్ని బుధవారం ఆయన ప్రారంభించి మాట్లాడారు. ప్రస్తుతం ప్రపంచవ్యాప్తంగా ఆర్టిఫిషియల్ ఇంటెలిజెన్స్కు ప్రాధాన్యత పెరుగుతోందన్నారు. మారుతున్న కాలానికి అనుగుణంగా యువత ఏఐతో పాటు నైపుణ్యాలను పెంపొందించుకోవాలని సూచించారు. ఈనెల 30 వరకు నిర్వహించనున్న శిక్షణ తరగతులను సద్వినియోగం చేసుకోవాలన్నారు. అనంతరం ఆయా రంగాల నిపుణులు నిర్దేశిత అంశాలపై అవగాహన కల్పించారు. కార్యక్రమంలో మ్యాజిక్ బస్సు ఫ్యాకల్టీ, బీసీ స్టడీ సర్కిల్ సిబ్బంది, విద్యార్థులు పాల్గొన్నారు.
ఇది కూడా చదవండి.. అందరి చూపు..ఈవీ వైపు
