Free Training | నిరుద్యోగులకు ఏఐ (Artificial intelligence), లైఫ్ స్కిల్స్ పై నాలుగు రోజుల ఉచిత శిక్షణ అందించేందుకు బీసీ స్టడీ సర్కిల్ సిద్ధమైంది. మ్యాజిక్ బస్ ఇండియా ఫౌండేషన్ సహకారంతో ఈనెల 27 నుంచి 30 వరకు నిర్వహించనున్నట్లు ఉమ్మడి కరీంనగర్ జిల్లా బీసీ స్టడీ సర్కిల్ డైరెక్టర్ డాక్టర్ ఎం.రవి కుమార్ ప్రకటనలో తెలిపారు. 18 నుంచి 30 ఏళ్ల లోపు కలిగి ఇంటర్/ డిప్లొమా, డిగ్రీ పూర్తి చేసిన వారు అర్హులని పేర్కొన్నారు. కరీంనగర్, జగిత్యాల, పెద్దపల్లి జిల్లాలకు చెందిన ఆసక్తి గల అభ్యర్థులు ఈనెల 27 ఉదయం 9:30 గంటల లోపు బీసీ స్టడీ సర్కిల్, కరీంనగర్ కార్యాలయంలో ఆఫ్ లైన్ లో(నేరుగా) దరఖాస్తు చేసుకోవాలని సూచించారు. సంబంధిత స్టడీ సర్టిఫికెట్స్, కుల, ఆదాయ ధ్రువీకరణ పత్రాలు, ఆధార్ కార్డుతో పాటు రెండు పాస్ పోర్ట్ సైజ్ ఫొటోలను జత చేయాలని పేర్కొన్నారు. శిక్షణకు సంబంధించిన మరిన్ని వివరాల కోసం 08782-268686 నంబర్లో సంప్రదించాలని ఆయన కోరారు.
ఇది కూడా చదవండి.. అందరి చూపు.. ఈవీ వైపు
