Good News TRS | కల్వకుంట్ల కవిత ఇటీవల టీఆర్ఎస్ (తెలంగాణ రాష్ట్ర సేన) పార్టీని ప్రకటించిన విషయం తెలిసిందే. ఈ మేరకు గురువారం మధ్యాహ్నం ఆ పార్టీకి గుర్తింపు లభించింది. ఎన్నికల సంఘం అధికారులు బంజారాహిల్స్ లోని కవిత నివాసంలో పార్టీకి సంబంధించిన అనుమతి లేఖ అందజేశారు.
సస్పెన్స్ కు తెర
ఈనెల 25న మేడ్చల్ లోని అద్వయ కన్వేషన్ లో టీఆర్ఎస్ పార్టీని కల్వకుంట్ల కవిత ప్రకటించే విషయం తెలిసిందే. అయితే ఆ పార్టీకి ఈసీ గుర్తింపు ఇచ్చే అవకాశం లేదని ప్రధానంగా బీఆర్ఎస్ నుంచి విమర్శలు వెల్లువెత్తుతాయి. ఈ క్రమంలో కేంద్ర ఎన్నికల సంఘం కీలక నిర్ణయం వెలువరించింది. “తెలంగాణ రక్షణ సేన”(TRS) పేరును ఆమోదించింది. దీంతో ఆ పార్టీ శ్రేణుల్లో హర్షం వ్యక్తం అవుతుంది.
ఐదు పేర్లను ప్రతిపాదించిన కవిత..
తెలంగాణ ప్రజా జాగృతి,తెలంగాణ జాగృతి, తెలంగాణ రక్షణ సేన,తెలంగాణ రాష్ట్ర జాగృతి,తెలంగాణ ప్రజాశక్తి పేర్లలో ఒక పేరుతో రాజకీయ పార్టీ ఏర్పాటుకు అనుమతి ఇవ్వాలని కవిత కేంద్ర ఎన్నికల సంఘాన్ని కోరారు. ఈ క్రమంలో అప్లికేషన్ లో మూడో పేరుగా పెట్టిన తెలంగాణ రక్షణ సేన (టీఆర్ఎస్) కు సీఈసీ ఆమోదం తెలిపింది. కాగా, విధి కవిత వైపు నిలిచి టీఆర్ఎస్ పేరును ఆమెకు వచ్చేలా చేసిందని తెలంగాణ రక్షణ సేన నాయకులు హర్షం వ్యక్తం చేస్తున్నారు.
త్వరలోనే మళ్లీ జిల్లాల బాట
గతంలో జాగృతి పేరిట జనం బాట పట్టిన కవిత తాజాగా పార్టీ ఏర్పాటు తర్వాత తిరిగి ప్రజల్లోకి వెళ్లేందుకు సిద్ధమవుతున్నట్లుగా ఆ పార్టీ వర్గాలు పేర్కొంటున్నాయి. ఇప్పటికే రూట్ మ్యాప్ కూడా సిద్ధం చేసుకున్నట్లు తెలుస్తుంది. జనం బాటలో భాగంగా మిగిలిన జిల్లాలను ఈ విడతలో టీఆర్ఎస్ అధ్యక్షురాలు హోదాలో ఆమె చుట్టి రానున్నారు. అలాగే భారీగా చేరికలపై కూడా దృష్టి సారిస్తున్నట్లుగా తెలుస్తోంది.
ఇది కూడా చదవండి.. జూన్ 2.. నిరుద్యోగులకు తీపి కబురు అందబోతుందా
