ఓ మామ.. నమస్తే. ఎటో గవర గవరగా పోతున్నవ్ ఏంది అని రాకేష్ అనంగనే.. ఏం లేదు అల్లుడు.. ఇంట్ల గ్యాస్ అయిపోతంది.. బుక్ చేస్తే అయితలేదు.. బయట దొరక లేదంటుండ్రు కదా.. అందుకే ఏజెన్సీ దిక్కు పోతన్న అని పల్సర్ బండి రేస్ చేసిండు రాములు. ఓ మామ ఒక్క నిమిషం ఆగు. నీకు ఈ ముచ్చట తెల్వదా.. గ్యాస్ బుకింగ్ ఇప్పుడు టౌన్ల 25 రోజులకు, పల్లెల 45 రోజులకు పెంచిండ్రు. నువ్వు అక్కడికి పోయినా లాభం లేదు. నిన్ననే మన సాయి గాడు పోయి పొద్దంత నిలబడి ఉత్త చేతులతోనే వచ్చిండు. డీలరు టైం అయినంక బుక్ చేసుకుంటే ఇంటికే వస్తది పో.. అన్నడట..! తమాం లేదని కట్టెల కోసం ఇప్పుడే వాడు బాయికడికి బండి కట్టిండు. అవ్..అల్లుడు నేను కూడా పోవుడు దండగే అంటావా.. సిలిండర్ వచ్చి నెల కాలేదు మరి.. ఏమన్న బ్లాక్ లో దొరుకుతదా.. వంద, రెండు వందలు ఎక్కువైనా మంచిదే.. తెలిసినోళ్లు ఎవలన్న ఉన్నరా.. చెప్పు అని అనంగనే.. ఓ మామ బయట కూడా అంతా స్ట్రిక్టే ఉన్నది. ఎక్కడన్నా ఉన్నా డబుల్ రేట్ అంటుండ్రు.. దానికన్నా నువ్వు కూడా ఇన్ని కట్టెలు తెచ్చుకో పోరాదే అనే మాట పూర్తిగాక ముందే.. మా బాయి కాడ ఒక్క పుల్ల లేదు.. గా ఈరసామి దగ్గర అడుగుతా.. అని తలకాయ పైకి ఊపిన రాములు చూస్తూ .. ఓ మామా మొన్నటి దాకా వంద రూపాయలకు అమ్మిన మూట ఇప్పుడు వాడు రూ.రెండు వందలు అంటుండట.. అట్లయితే ఇగ గుట్టకు పోవాల్సిందే అంటూ బండిని ఇంటి వైపు తిప్పాడు రాములు.
(గ్యాస్ ఇక్కట్లు మొదలైన నేపథ్యంలో పల్లె ముచ్చట..)
గ్యాస్ రాదాయే.. కట్టలు పిరమాయే
